كفايه صار لك شهرين غايب عني يالغالي
كفايه يااعز الناس ترى والله مااقدر
دخيلك لاتخيب فيك هقواتي وآمالي
واذا انها عالصبر والله وغلاتك عندي راح اصبر
ابتحمل عنى فرقاك وحالي يرثي لحالي
مع اني والله لين اليوم مدري ليه بس تهجر
ابعرف شالسبب ارجوك وش اللي بس يجرالي
انا شسويت ياربي عشان تثور وتتفجر
انا والله مااستاهل ابد كل اللي يجرالي
اقل مافيها بس قلي سبب خلاك تتغير
ابعرف بس شالموضوع علامك صرت ماتبالي
بذمت كل اهلك بيوم شفتني بشي انا مقصر
عطيتك قلبي وروحي وهبتك حالي ومالي
حملت احساس هالدنيا وعطيته لك وانا افخر
عشقتك عشق لاقبله ولابعده انعشق تالي
هويتك موووت واتخيل الين الموت واتصور
واذا جاني مسج منك مخزن رقمك الغالي
ولاامسح رسالاتك اتم اقراها وافكر
واحلل كل كلمه بالمسج الله ياغربالي
واقول بخاطري معقوله حاسس فيني ويشعر
وارد اقول لا يمكن تذكرني وهو سالي
لأني توني مطرش مسج طرش مسج يشكر
وارد اقول لا ادري يبيني وحاسس بحالي
وارد اقول لا مااظن على باله انا اخطر
الين اني انا اتاكدت قلبه بالفعل خاااالي
ولاغيري انا بقلبه يحبني مووووووت ويقدر
لأني مره مالمرات طرت فكره على بالي
نويت ازعل بدون اسباب واشوفه لو بيتأثر
ابعرف قدري بقلبه بيهمه وضعي الحالي ..!
او انه راح يطنشني ولا يسأل ويستفسر
وفعلا دق ماجاوبت حرقلي والله جوالي
ثلاث الآف مره دق وانا مطنش ولا معبر
كتبلي بالمسج اطلع انا عند بابك لحالي
قسم بالله ماتطلع لأخربها انا واحدر
ومشكلتي اعرفه زين يسويها ولايبالي
نزلت وخاطره مكسور يقول شفيك متغير
وقلت له بس ابتأكد اذا قدري معك عاااالي
ضحك لي وقال اتأكدت ودمعه بلل المحجر
وطارت فيني الدنيا لمكاني صاحبي جالي
تعذر لي وانا الغلطان وانا اللي لازم اتعذر
بعدها عشت احلى ايام في قربه هنيالي
وصلنا لمرحله مانبتعد عن بعضنا واكثر ..
بعدها فجأه خلاني ولايسأل عن احوالي
وانا في خاطري ادري محال بيوم يتغير
ادق له مايجاوبني بديت اشك في حالي
اخاف انه حصله شي اخافه بس متكدر
لعب في قلبي الوسواس خياله ماتهيالي
حوالي ألف مسج طرشت حبيبي ياعسى ماشر
ولاجاوب وانا قاعد على اعصابي وغربالي
حبيبي صار له اسبوع فيني حتى مافكر
الين اني عرفت شلون اخلي خلي الغالي
يكلمني وجت فكره بعد مامت وانا افكر
وفعلا اتصل فيني وبدت احزاني واهوالي
وكانت صدمتي كبيره علي الغالي اتكدر
سألته قلتله وش فيك مامن شر يالغالي ..؟!
وش اللي صار بالدنيا علامك ليش متبعثر ..؟!
او انك يعني ماتدري بدونك صرت انا لحالي
ولالي خلق اي انسان كثر مافيك انا افكر
وجاوبني وقال ارجوووك ابي هالدنيا تصفالي
انا مليت من وضعي و اشوف الكل متغير
انا ضاقت بي الدنيا وابي ابقى انا لحالي
خلاص اتركني لاتسأل وانا برجع عقب اشهر
وقلت له مو علي تكذب اعرفك تضعف قبالي
تكلم قول شالموضوع بدا قلبي يدق اكثر
سكت لحظه وقال ارجوووووووك ابعد عني يالغالي
وخلني اذكرك بالخير وانت مثلي اتذكر
ولاتطرش مسج واحد ولاتدق لي ابد تالي
واذا لي خاطرٍ عندك لاتتكلم ابد سكر
وقلت له والله مااسكر الين تقول وتصفالي
وقالي والله مااتكلم ولو تبكي دمع احمر
ولكن شوف ربعك وانت تعرف بس وش جالي
خلاص افهمها عالطاير لاتحرجني بعد اكثر
وسكر والدمع فيني على الخدين هماااالي
قسم بالله ماادري علامه قلبه اتحجر
فؤادي انهار وانا حملي يهد جبال وجبالي
في لحظه صارت الدنيا في عيني هالكبر وااصغر
حسافه ماتوقعته يصدق فيني عذالي
حسافه ماهقيته يوم يصد عني ويتغير
بعدها صار لي ماصار وربي يعلم بحالي
فؤادي باقي بس شوي واحسه من الجسم يظهر
بديت اعرق مدري ليش وخابت كل امالي
انا اتوقعت كل الناس ولااتوقعت هو ينكر
وقلت بخاطري خله مصيره يرجع الغالي
اكيد انه سمع اي شي وجوه صار متعكر
ولكن طول غيابه وزادت فيني اعلالي
مرض قلبي تعب فكري واحسه جسمي متخدر
وقلت خلني اطرش له مسج واشكي له احوالي
وطرشت المسج وشوي دق لي ودون مافكر ...!
هلا والله يااغلى الناس هلا والله بالغالي
آلو طارق ماقلت لك لاتذكرني او اذكر
ابي بس اذكرك بالخير يااخي خلني في حالي
وقلت وخاطري مكسور انا آسف ومااكرر
قسم بالله لين اليوم وحالي يرثي لحالي
قسم بالله الين اليوم ولا ادري ليش هو اتغير
قسم بالله ماغضت
ي ولاهدا بالي
قسم بالله مامر يوم الاو فيه انا أفكر
قسم بالله قلت باانساه بس طيفه يتهيالي
قسم بالله لو حاولت انا بنساه اتذكر
الين اليوم انا عندي امل يرجع ويصفالي
اقول الشوق بيرده على فرقاي مايقدر
الين اليوم وضحكاته ووبسماته على بالي
الين اليوم ماارقد كثر مافيه انا افكر
ابعرف وش السبب ارجوك وش اللي بس يجرالي
انا شسويت ياربي عشان تثور وتتفجر
انا والله مااستاهل ابد كل اللي يجرالي
اقل مافيها بس قلي سبب خلاك تتغير
ابعرف بس شالموضوع علامك صرت مااتبالي
بذمت كل اهلك بيوم شفتني بشي انا مقصر ..؟!
انا راح انتظر ردك ولو حتى بمسج خالي ..
واذا ماجاني منك الرد وغلاتك عندي راح اصبر
سنه سنتين اللي يهم اشوفك ثاني قبالي
ثلاث سنين او اربع ابصبر يعني راح اصبر
ولكن حكم احساسك وجاوب ياغلى كل غالي
بذمت والديك يهون تنساني ولاتذكر ..؟!
يهون انك تخليني ولاتسأل ولاتبالي
يهون انك تنام الليل وتتركني انا اسهر
كفايه صار لك شهرين غايب عني يالغالي
كفايه يااعز الناس ترى والله مااقدر
دخيلك لاتخيب فيك هقواتي وآمالي
واذا انها عالصبر والله وغلاتك عندي راح اصبر
موضوع: غايب عني يالغالي 
